ગોધરાની સ્કૂલમાં નાના ભૂલકાઓ સાથે શિક્ષકો તેમજ વાલીઓએ ગરબાની રમઝટ બોલાવી 2 વર્ષની કસર પુરી કરી
ગુજરાતી એટલે ગરબા અને ગરબા એટલે ગુજરાત આ વાત દરેક ગુજરાતીનું ઘરેણું છે. જોકે ગરબા હવે ફક્ત ગુજરાત પૂરતા જ સીમિત નથી રહ્યા,
દેશ વિદેશમાં ગરબાએ ધૂમ મચાવી છે. નવરાત્રી આવે એટલે ગુજરાતનું યુવાધન ગરબે ઘુમવા થનગની રહયી હોય છે.
ત્યારે હવે શિક્ષણ સાથે જોડાયેલ સંસ્થાઓ પણ નવરાત્રી દરમિયાન પોતાની શાળામાં ભણતા બાળકો માટે નવરાત્રી ઉત્સવનું આયોજન કરતી હોય છે
આજરોજ ગોધરા ખાતે આવેલ હેલો પ્રિ સ્કૂલ અને સાંદિપની સ્કૂલ ઓફ એક્સીલન્સ દ્વારા ગોધરા ખાતે આવેલ રાજાઈ સકેવર ખાતે કરવામાં આવ્યું હતું.
આ ગરબા ઉત્સવમાં 3 અલગ અલગ વિભાગની ગરબા સ્પર્ધા રાખવામાં આવી હતી.
જેમાં પ્રથમ બાળકોના ગરબા, શિક્ષકોના ગરબા અને વાલીઓની ગરબા સ્પર્ધાનું આયોજન કરવામાં આવ્યું હતું.
જેમાં નાના ભૂલકાઓ સાથે શિક્ષકો તેમજ વાલીઓએ ગરબાની રમઝટ બોલાવી છેલ્લા 2 વર્ષની કસર પુરી કરી હતી .
